Adından
da göründüyü kimi bozbaş. Bu ifadə boş yerə yaranmayıb. Artıq vəziyyət o yerə
çatıb ki, “bozbaş” deyəndə ağıla ilk gələn yemək adı yox məhz şoubiznes nümayəndələri
gəlir və gəlməlidirlərdə. Çünki, nə kimi səviyyəsiz hallar desən bu “bozbaş”
yığınında tapmaq olar. Həmçinin cürbəcür heyvan növlərinə də rast gəlmək
mümkündür: Pişiyindən, əjdahasından tutmuş nəbilim çaqqalına kimi. Maraqlı hal
odur ki, onlara verilən bu adlarla fəxr edənləri də var. İş sənət söhbətinə gəldikdə
isə hamısı özünü yerə-göyə sığdırmır. Biri başa salsın ki, mənə bunlar hansı sənətə
görə belə fəxr edirlər? Hər gün
televiziya kanallarında bir-birlərini
söymək “sənətinə” görə, yoxsa Rəşid Behbudovun, Şövkət Ələkbərovanın miras
qoyduğu sənətə görə. Əminəm ki, aranızda 2-cini deyən olmaz. Əslində problemin
mənbəyinə vararkən bir çox amillə qarşılaşırıq. Bunlardan biri də televiziya
kanallarımızın sözün əsl mənasında səviyyəsizliyidir. Həmin kanallar “reytinq”
toplamaq adı altında müxbirlərinə bir
kamera və bir mikrofon verərək yollayır “bozbaş” müğənninin birbaşa yataq
otağına desək yanılmarıq. Həmin müxbir yataq otağında nə var, nə yox çəkir və
xalq da maraqla bunu seyr edir. Görəsən onların mənəviyyatsızlığı və əxlaqsızlığı
yaymaqda məqsədi nədir? Tapsaz mənə də deyərsiz...
Həmin
tv-lərdə yayımlanan maqazin verilişləri isə müğənnilərin qalmaqallarını ekrana
elə çxarır ki, elə bil it boğuşdurur. Təbii
ki, “gündəm”də qalan müğənniləri də bu qane etməyə bilməz. Əslində bu problemlər
zəncirvari şəkildə bir birinə bağlıdır. Deyərdim ki, ən asas problem elə tvlərdədir. Sonra onların “reytinq” qazanmasına kömək edən
“bozbaş”lar. Daha sonra isə onlara reyqinqi verən biz – xalq. Tamaşaçı kütləsi
olmasa belə verilişlər də yaranmaz. İndi
burda belə bir sual verim. Belə olan halda media insanları yönləndirir, yoxsa
insanlar medianı? Bunu da tapsaz deyərsiz... Lap bu toyuq yumurta məsəlinə bənzədi.
Tv-lər və onların verilişləri millətin ağıl və düşüncəsindən xəbər verən
atributlardır. O zaman başqa millətlərin bizim haqqımzda olan düşüncələrini təxmin
etmək çox da çətin deyil.
Acınacaqlı hal odur ki, bu “bozbaş” dediklərimizin içərisində xalq artistləri kifayət qədər var.
Onlar həqiqətən xalqın artistləridir yoxsa ... Nə isə
Bunlara xalq artisti deyəndə gərək adam
ağzını 96 %-lik spirtlə dezinfeksiya eləsin. Nə isə başınızı çox ağrıtmayım. Bu
problemlərin həll olması üçün gərək Azərbaycanda sunami filan ola yuyub apara
amma heyif ki, Xəzərdə sunami də olmur. Neynəyək yaşamalıyıq belə.
Rəsul Mirzəyev
